صراحة يا ديدو عجبتني
بس ليش تخاف من الجحلط دول
جحلط كلمة مكاوية وتعني صروب
المهم
انا اقلكم ايش سرلي اليوم
اليوم في حصة الكيمياء ادانا الأستاز واجب
OK
انا دااايما احل الواجب قبل ما ارجع البيت علشان ارجع على طول اناااااااااااااام
المهم
شافني واحد معانا في المجموعة
هوا مرررررررررة دبة ومسكين عندو خلل عقلي
الله لا يبتلينا
المهم
قلي حللي الواجب
قلتلو سري بلا سطاوة
قلي بالله بالله
قلت لأ
قال طيب حللي هوا في الكتاب وانا انقلو في الدفتر
قلت OK
مسكت القلم وحليتلو الواجب في الكتاب
شوية جا زععق فيا
ايش هادا يا حيوان
يا غبي يا كلب يا ... كلمات قبيحة
قلتلو ايش في اشبك
قلي ليش تكتب بالقلم قلتلو عادي
قلي لا مو عادي ابغا كتابك يسير حقي
ولا امسح الكلام دا
جيت امسحو باللكود قال لأ امسحو كدى
انا عجبتي الهرجة جلست اطقطق عليه
اخدت كتابو قلتلو انا عندي تعويذة سحرية تشيل الشخمطة
قلي بلا هبالة يلا ماسحها قلتلو ششششش اسكت ما خلصت التعويذة
المهم قعدنا انا واصحابي نطقطق عليه من الحصة التالتة
اليييييييييين الأخيرة
في الحصة الأخيرة قلي والله لأدعسك في الصرفة
قلتلو لا لا بلييز ترا والله ابكي
قلي طيب اوريك والله لأحطق تحت كفر السيارة وادعسك
قلتلو انا حأعض الكفر وينفقع واشيل الإستبنة واشرد
قلي طيب نشوف
اصلا هوا رايح زي الكورة ولو اتضاربنا لو انفخ عليه يقعد يتدحرج
بس انا في النهايق قلتلو خلاص ما اعيدها
قلي طيب ابغا كتابك بدال كتابي
قلتلو سري قلي طيب دحين اروح عند المدير اقلو انك شخمطت على كتابي
قلتلو لا لا بليز خلاص ما اعيدها وكملنا طقطقة
المهم بعد دا كلو في الصرفة ما شفت وجهو
قلت طزززز فكة
بس بالله مي اطول قصة
الأربعاء أكتوبر 22, 2008 2:24 pm
