انا واحد من العالم يدور للوفا..........

إذا كـان الخطـا ديـرة وفيهـا المـذنبيـن تراب
ّّّّّّّّّّّّّّ بصـدري للعـذر عــالم تحيــر بشعــبه الأمــّه


وإذا كــان الوفـا عـالم وفيــه الأنقيــاء احبـاب
ّّّّّّّّّّّّّّ انـا واحـد من العالــم يــدور للـوفا لمــّــه


تــصدق يــوم ضــاقت بـي وصـك النـاب فـوق الناب
ّّّّّّّّّّّّّّ لقيـت الصـاحب أول مـن سقـاني كـاس من سمـّـه


وانـا مااخطيــت لكـن الخطـا جـاني بـدون أسبـاب
ّّّّّّّّّّّّّّ وتـرى الغلطـات هـي اللـي خـذتني فـوق للقمـّـه


ابكـتب دون تقيــيد وقـواعــد واسـئلــة وإعـراب
ّّّّّّّّّّّّّّ أبتمــرّد علـى التشـكيـل بالفتحـة وبالضمـّـه


خلـص ماعـاد بـاقي بـي علـى سجن الحروف اعصاب
ّّّّّّّّّّّّّّ على راسـي يا (سيبـاويـه) .. وكل اللي نطـق فمـّـه


وربـي مانـزف حـرفي لأجـل يكـسب عيـون أعجـاب
ّّّّّّّّّّّّّّ ولكـن الـزمن بعـثر طمـوح ٍ جيـت ابـالمـّـه


قسـم باللـه من تـالي احـس بضيـقـة ٍ تنتـاب
ّّّّّّّّّّّّّّ محـاديـب الضـلوع وكـل مابـاقي بـي تعمــّــه


ذبــحنـي هالشقـى (ملعـون ابـوجـده) ياهـو غـلاب
ّّّّّّّّّّّّّّ لـوانه شخـص واجهتـه ونسيـته (حـليب امـّه)ـ


يضيـق الحـر فـي قيـده ونفسـه تطلـب المـرقاب
ّّّّّّّّّّّّّّ يثـور / ويندفـع / يصبـح فـدائي/ صلـب... ماهمـّـه


لأنـه يعشـق الحـوم وفضـى الحـريـة الجـذاب
ّّّّّّّّّّّّّّ ويكـره (ديكتـاتـوريـة) قيـود ٍ زوّدت غمـّـه


أحـب الـورد وأنفـاسـه وأهيـم بشكـله الخـلاب
ّّّّّّّّّّّّّّ ولكـن ماقـدرت اخــذ من أزهاري ولو شمـّـه


أسكـر عن همـومي بـاب...تفتـح لي الحيـاة ابواب
ّّّّّّّّّّّّّّ واحـاول كـل ماضقـت استعيـد الصبر والهمـّه


أجفـف دمعـة البـاكي ودمعـي بالخفـا سكـاب
ّّّّّّّّّّّّّّ اعانــق واقعـي واتـرك أسـاي ضلوعي تضمـّـه


لـو اني بـ أكـره الصـادق...وربـي ما أعشـق الكـذاب
ّّّّّّّّّّّّّّ لأن الصـدق من أصـله كره سيـرة ولـد عمـّـه


صباح الخيـر ياهمـي صبـاح الخيــر يالأتعـاب
ّّّّّّّّّّّّّّ صبـاح الخيـر يا أجسـام ٍ بـلا قلـوب وبـلا ذمـّـه


صبـاح النـور ياظلمـا الحيـاة وضحكـة المرتاب
ّّّّّّّّّّّّّّ عسـاك بخيـر ياقلـب ٍ تسيـّد مملكــة همـّـه


وش أخبـار الضيـاع اللـي يضيـعنـي وهـو ما غاب
ّّّّّّّّّّّّّّ هـلا بهـالجمـعه اللـي كـل موت يشـوفني يمـّـه